A yau ne wata mummunan girgizar kasa ta afkawa yankin gabashin kasar Afghanistan, bayanan da hukumar nazarin karkashin kasa ta Amurka ta fidda na nuna cewa, girgizar kasar ta kai maki 7.7, yadda girgizar kasar ta faru ta kai nisan kilomita 82 daga kudu maso gabashin birnin Faizabad na kasar Afghanistan, yayin da zurfinta ya kai kilomita 196.

Kaza lika, an ji girgizar kasar a kasashen Uzbekistan, Pakistan, Indiya da wasu kasashe da dama. Kana, bisa labarin da kafofin watsa labarai na kasar Pakistan suka bayar, an ce, girgizar kasar ta yi sanadiyar a kalla rasuwar mutane 16 a kasar, yayin da sama da dari suka jikkata, baya ga gidaje da gine-gine da dama da suka rushe. (Maryam)