Kakakin ma'aikatar harkokin waje na kasar Sin Hong Lei ya bayyana a ranar laraban nan 9 ga wata a nan birnin Beijing cewa, Sin ta damu matuka kan rikicin tsakanin Palasdinu da Isra'ila wanda ya kara tsananta.

Hong ya yi bayanin cewa, yin amfani da karfin tuwo ba zai warware rikicin da ake fuskanta ba, sai ma ya kara sanya kiyayya tsakanin bangarorin biyu.

Don haka in ji shi kasar Sin na fatan bangarori daban-daban da abin ya shafa su tsagaita bude wuta nan take tare kuma da yin shawarwari cikin lumana domin samun a farfado da shawarwari tsakaninsu da tabbatar da zaman lafiya a yankin da lafiyar jama'ar su. (Amina)