Ranar 2 ga wata, ofishin firaministan kasar Isra'ila ya ba da wata sanarwar cewa, a wannan rana, John Kerry, sakataren harkokin wajen kasar Amurka ya sake ziyartar kasar tare da yin shawarwari da firaministan kasar Benjamin Netanyahu. Kafin shawarwarin, Mr. Kerry ya ba da sanarwar cewa, idan Falesdinu da Isra'ila sun yi kokari tare, akwai yiwuwar samun zaman lafiya a tsakaninsu.

Amma a wannan rana, kwamitin tsakiya na kungiyar Fatah ya furta cewa, Falesdinu ta ki yarda da yarjejeniyar da Mr. Kerry ya gabatar, ciki had da jibge sojoji a gabar yammacin kogin Jordan. Ta kuma furta cewa, ziyarar Mr. Kerry a Falesdinu ba za ta samu ci gaba ba, kuma Falesdinu ba za ta yarda da shirinsa na zaman lafiya ba.

Wata majiya ta fayyace cewa, yarjejeniyar da Mr. Kerry ya gabatar ta hada da amincewa da kasancewar sojojin Isra'ila a kasar Falaesdinu da za a kafa a nan gaba, lamarin da a ganin Falesdinu, Amurka tana yunkurin kiyaye moriyar Isra'ila ne, don haka Falasdinu ta ki yarda da yarjejeniyar. (Tasallah)