Kakakin ma'aikatar harkokin waje ta kasar Sin Madam Hua Chunying ta bayyana a gun taron manema labaru da aka yi a ranar laraban nan 8 ga wata, cewa jirgin ruwan yakin kasar Sin mai taken "Yan Cheng" ya shiga sararin tekun kasar Sham a ran 7 ga wata, domin yin hadin kai da jiragen ruwan kasashen Rasha, Denmark da kuma Norway wajen aiwatar da aikin ba da tsaro ga jiragen ruwa dake jigilar da makamai masu guba.

Madam Hua ta nuna cewa, babban jami'in kawar da makamai masu guba, da babban magatakardar MDD dukkansu sun nuna gamsuwar su ga aikin da ake yi, inda suka bayyana cewa, wannan aiki ya kasance muhimmin mataki wajen kawar da makamai masu guba a kasar Sham.

Haka kuma, Madam Hua ta jaddada cewa jigilar da makamai masu guba na kasar Sham cikin sauri na da muhimmanci sosai ga aikin kawar da makaman a kasar, don haka kasar Sin ta yaba sosai ga kokarin da bangarorin da abin ya shafa suke yi.

Ban da haka, Madam Hua ta yi bayanin cewa kasar Sin za ta ci gaba da kokarin musayar ra'ayi da bangarorin daban-daban ta yadda za a gudanar da aikin ba da tsaro cikin lumana da daidaici. (Amina)