Shugaban kasar Sin Mista Xi Jinping ya tsokaci game da rasuwar Sinawa 3 cikin harin da aka kai a kasar Mali, inda da kakkausar murya ya yi Allah wadai da wannan danyen aikin da aka yi, tare da jajantawa da ta'azziya ga iyalan mamatan. Ban da wannan kuma, ya nemi hukumomi daban-daban da su dauki matakan da suka dace wajen tabbatar da aikin tsaro a kasashen waje don tabbatar da lafiyar Sinawa da hukumominsu dake kasashen waje.

Har ila yau, a cewar Shugaba Xi, Sin za ta kara hadin gwiwa da kasashen duniya don yaki da ta'addanci da kuma kiyaye zaman lafiya da kwanciyar hankalin duniya. (Amina)