Hukumar tsaron kasar Rasha ta ba da labari a jiya Talata 15 ga wata cewa, Rasha ta fara janye sojojinta daga Syria wadanda suka gudanar da aikin dakile 'yan ta'addanci na IS, inda sojojin samanta na jerin farko sun riga sun bar Syria. Matakin da aka dauka a idon bangarori daban-daban masu ruwa da tsaki ya zama wani sako mai yakini ne ga kokarin warware rikicn Syria.

Wakilin musamman na MDD mai kula da batun Syria Mista Staffan de Mistura ya bayyana a ranar Talata cewa, matakin da Rasha ke dauka a wannan karo ya kasance wani ci gaba mai kyau, shi kuma yana fatan matakin zai kawo tasiri mai kyau ga shawarwarin da aka yi a birnin Geneva game da shimfida zaman lafiya a kasar Syria.

Ban da haka kuma, a cewar ma'aikatar harkokin wajen kasar Faransa, tana maraba da ko wane matakin da za a dauka don warware rikicin Syria, kuma tana fatan matakin da Rasha ke dauka zai sassauta halin da Syria ke ciki. Ban da wannan kuma, a nashi bangare, ministan harkokin waje na kasar Iran wanda ke ziyarar aiki a kasar Austriliya Mista Mohammad Javad Zarif ya ce, janye sojojin da Rasha ta yi ya kasance wani sako mai kyau ne ga yunkurin shimfida zaman lafiya a Syria. (Amina)