Hukumar kididdigar ta kasar Sin ta ba da bayani a yau Laraba ran 15 ga wata cewa, yawan GDP da Sin ta samu a cikin farkon watanni uku na bana ya kai kudin Sin RBM biliyan 14066.7, wanda ya karu da kashi 7 cikin 100 idan aka kwatanta da na makamantan lokacin shekarar bara, hakan na nuna cewa, tattalin arzikin al'ummar kasar na tafiya yadda ya kamata a farkon bana. Yawan kudin shiga na jama'a shi ma ya karu da kashi 8.1 cikin 100 idan ba a yi la'akari da farashin kayayyaki ba.

A gun taron manema labaru na ofishin yada labaru na majalisar gudanarwa ta kasar Sin, kakakin hukumar kididdigar Sheng Laiyun ya bayyana cewa, Sin ta nuna himma da gwazo ta fuskar bunkasa tattalin arziki mai inganci duk da hali mai sarkakiya da tafiyar hawainiyar da bunkasuwar tattalin arziki da ake fuskanta a cikin kasar, a yayin kuma ake mai da muhimmanci sosai kan daga inganci da moriya a fannin bunkasa tattalin arziki, da zura ido sosai kan sauya hanyar samun bunkasuwar tattalin arziki da yada amfanin kasuwanni, da kuma kara karfin tabbatar da zaman rayuwar jama'a.

An ce, ko da yake Sin na nuna sanyin jiki wajen samun bunkasuwar tattalin arziki, amma tsare-tsaren masana'antu na samun kyautatuwa sosai. (Amina)