Hukumar raya gidaje da birane ta kasar Sin ta ba da labari cewa, tana kokarin tabbatar da ayyukan kulawa da nakasassu da tsofaffi da ke kauyuka a fannin gina hanyoyinsu da ababen more rayuwa da filayen motsa jiki har ma da samar wa nakasassu da tsofaffi na'urorin dake iya taimakawa rayuwarsu a gida da sauransu.
An ba da labari cewa, Sin ta samu ci gaba sosai a wannan fanni a shekarun nan da suka gabata, domin ganin dokoki da ka'idoji da tsare-tsare masu inganci da aka kafa game da wannan batu. Duk da haka, saboda yawan kauyuka da kasar ke da su kwarai, ba a iya aiwatar da wannan aiki sosai a duk fadin kasa ba, abin da bai iya biyan bukatun dukkanin nakasassu da tsoffi, don haka, za a yi kokarin warware wannan matsala cikin lokaci don baiwa musu yanayin zama mai kyau. (Amina)
