A kalla mutane 21 aka kashe a ranar Jumma'a a yayin da mayakan kungiyar Boko Haram suka sake kaddamar da hare hare kan wasu kayuka uku da ke jihar Borno da ke arewa maso gabashin Najeriya, a cewar wasu mutanen da lamarin ya faru gaban idonsu.

Mambobin wannan kungiyar ta'addanci sun mamaye kayukan da ke kusa da birnin Chibok, da ke kudancin jihar Borno, inda kungiyar ta Boko Haram ta sace dalibai mata fiye da 200 yau kusan watanni goma da suka wuce.

Mayakan sun harba bingigo a kai a kai, in ji wani mazaunin birnin Chibok, Daouda Ali da lamarin ya faru gaban idonsa a cikin wata hira ta wayar tarho tare da kamfanin dillancin labarai na Xinhua. (Maman Ada)