A shekarun nan da suka gabata, hukumomin hada-hadar kudi daga bankuna daban-daban na yankin Tibet na cigaba da kokarin daga karfinsu wajen bada hidima yadda ya kamata ta fuskar harkokin hada-hadar kudi da kuma kyautata halin koma bayan da ake samu ta fuskar sha'anin hada hadar kudi a wadannan wurare, don cimma burin kyautata zaman rayuwar masu aikin gona da kiwon dabbobi, da kuma kara sa kaimi ga mutane wajen samun wadata daidai da sauran biranen kasar Sin.

Mataimakin shugaban reshen Lhasa na bankin jama'ar kasar Sin Zhang Wei ya bayyana cewa, an riga an kafa cibiyoyin taimakawa 'yan yankin Tibet ta fuskar aikin hada-hadar kudi guda 2436 cikin shekaru hudu da suka gabata, lamarin da ya taimaka wajen fadada bada hidima a dukkanin garuruwan dake yankin Tibet.

Yankin Tibet dai ya sha bamban da sauran wurare kan aikin hada-hadar kudi saboda kudin ruwa na ba da rancen kudi a wannan yanki ya ragu da kaso 2 cikin dari bisa na sauran wuraren kasar Sin.

Matakin da aka dauka na bada hidima kan aikin hada-hadar kudi ga manoma da masu kiwo dabbobi, ya taimaka wajen sa kaimi ga bunkasuwar kauyukan yankin Tibet wajen zuba jari a fannoni daban-daban. (Amina)