in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Babu wata kasa da zata iya tsorata Rasha, in ji shugaba Putin
2014-12-21 17:05:13 cri
Shugaba Vlładimir Putin na kasar Rasha ya ce babu wata kasa da za ta iya tsorata, ko mayar da Rasha saniyar ware, kasancewar Rashan a shirye wajen maida martani game da kowane irin kalubaloli daka iya fuskar ta, a fannin kare ikon mulkin kai, da zaman lafiyar al'ummar ta.

Shugaba Putin ya bayyana haka ne yayin wata liyafar cin abincin dare ta ranar ma'aikatan hukumomin tsaron kasa ta Rasha, da ta gudana a fadar Kremlin jiya Asabar.

Putin ya ce ana cikin wani muwuyacin hali game da huldodin kasashen duniya, ya yin da Rasha ke ci gaba da fuskantar karin kalubale sakamakon watsi da aka yi da dokokin kasa da kasa.

A daya bangaren kuma shugaba Putin ya ce a bana kadai, an samu nasarar dakile wasu ayyukan ta'addanci guda 60 a kasar ta Rasha, an kuma hallaka kungiyoyin ta'addanci, da na masu tsattsauran ra'ayi 46.

Daga nan sai ya yi kira ga dukkanin jami'an hukumomin tsaron kasar, da su kara mai da hankali kan ayyukansu, su kuma karfafa hadin gwiwa tare da sauran hukumomi masu alaka, wajen yaki da ta'addanci, da kungiyoyin masu tsattsauran ra'ayi da dai sauransu. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China