in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Rasha ta yi Allah wadai da daftarin neman 'yancin kan Ukraine na shugaban Amurka
2014-12-20 16:55:30 cri
Kakakin ma'aikatar harkokin wajen kasar Rasha Alexander Lukashevich, ya ce kasarsa ba ta amince da daftarin nan mai kunshe da goyon bayan kasar Ukraine game da neman 'yancin kai da shugaba Barack Obama na Amurka ke goyon baya ba. Daftarin da ya tanaji karin takunkumi ga Rashan matakin da Rashin ke matukar Allah wadai da shi.

Dangane da hakan, Mr. Lukashevich, ya ce a hakika daftarin wanda shugaba Obama ya gabatar, ba shi da nufin marawa kasar ta Ukraine baya, sai dai kawai wata manufa ta kalubalantar Rasha, lamarin da ya sa Rashan yin watsi da shi.

Har ila yau Lukashevich ya ce daftarin ya nuna matsayin masu rike da madafun ikon kafa dokokin Amurka, na burin yanke dangantakar dake tsakanin kasarsu da Rasha na tsahon lokaci.

A wani ci gaban kuma shugaba Vladimir Putin na Rasha ya ce manufofin kasarsa game da harkokin soja ba su canja ba, kuma Rashan za ta ci gaba da tsayawa tsayin daka, wajen kiyaye tsaron kanta, tare da kiyaye moriya da ikon mulkin kasar, tare da dukufa wajen karfafa zaman lafiyar kasa da kasa. Kana Rasha na da fatan dukkanin kasashen duniya da al'ummominsu, za su cimma burin wanzuwar yanayin tsaro na bai daya. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China