Kwanan baya, wani masanin cibiyar nazarin harkokin kasar Amurka ta cibiyar nazarin ilmin kimiyyar zamantakewar kasa ta Sin Zhou Qi ya rubuta wani sharhi inda yake cewa, shugabannin kasar Sin na dukufa wajen kafa sabuwar dangantakar manyan kasashe wato Sin da kasar Amurka, sabo da shugabannin Sin na imani cewa, kasar Sin da kasar Amurka za su iya habaka dangantakar dake tsakaninsu bisa wata sabuwar hanya, wadda ba ta yi kama da hanyoyin da manyan kasashen duniya suka bi a tarihi ba, kuma ta wannan sabuwar hanyar, za su iya magance sabanin dake tsakaninsu yadda ya kamata.

Cikin sharhin, Mr. Zhou ya kuma bayyana cewa, shugaban kasar Sin Xi Jinping ya yi kira da a karfafa fahimtar juna a tsakanin kasashen biyu bisa manyan tsare-tsare ta hanyoyi daban daban da za su dace da juna, kuma a warware sabanin dake kasashen biyu ta hanyar yin shawarwari a maimakon ta hanyar rikici, haka kuma, ma'anar mutunta juna ita ce, a girmama babbar moriyar juna da kuma manyan al'amuran dake janyo hankulan kasashen, sa'a nan kuma, shugaba Xi ya kara da cewa, dangane da matsayin da kasar Sin ke tsayawa, ya kamata a girmama tsarin zaman takewar al'ummar da kasar ta zaba da kuma mulkin kan kasar. Bugu da kari, cimma moriyar juna shi ne babban tushen gina sabuwar dangatakar manyan kasashe, ya kamata kasashen biyu su mai da hankali kan wannan batu yadda ya kamata. (Maryam)