A safiyar yau talata aka bude taron karo na farko na kwamitin tsaron kasar Sin a nan birnin Beijin fadar gwamnatin kasar Sin, inda Shugaban kasar Mr. Xi Jinping a cikin jawabinsa a matsayin san a mai bude taron ya ce ya kamata a fidda wata hanya ta musamman wajen tsaron kasar bisa halin da ake ciki wanda yake sauyawa.

Mr Xi bayan wannan taron kuma har ila yau a wannan rana ya gana da ministan harkokin waje na kasar Rasha Sergev Lavrov inda yace ya zuwa yanzu, dangantakar dake tsakanin kasashen biyu na samu bunkasuwa mai kyau a tarihi, don haka kamata ya yi, kasashen biyu su mai da amincewa a tsakaninsu a fannin siyasa a matsayin mataki mai amfani ta yin hadin kai a fannoni daban-daban. (Amina)