A yau ne aka fara shawarwari karo na biyu tsakanin gwamnatin kasar Sham da kungiyar adawa (NCSROF) a birnin Geneva, karkashin jagorancin wakilin musamman na MDD da kungiyar hadin kan kasashen Larabwa AL Lakhdar Brahimi. Wannan shi ne karo na biyu da bangarorin biyu suka koma teburin shawarwari bayan kwanaki 10 da suka gabata, abin da ya bayyana kyakkyawar fatan bangarorin biyu na warware rikicin kasar ta Syria ta hanyar siyasa.

Brahimi ne ya kira shawarwari a wannan karo kuma ya jagoranta. An ba da labari cewa,tun a jiya ne tawagogin bangarorin biyu suka isa birnin Geneva. Ministan harkokin wajen kasar Syria Walid Al-Moallem shi ne ya jagoranci tawagar gwamnati, yayin da yawancin mambobin tawagar 'yan adawa sun fito daga kungiyar adawa mafi grima wato NCSROF. A wannan rana da muke ciki, Brahimi ya gana da shugabannin tawagogin biyu da kansa domin tabbatar da ajandar taron a wannan karo da abubuwa da za a tattauna a taron da sauransu. Sai dai babu tabbaci ko za su yi shawarwari a wannan rana kai tsaye ko a'a.

Ban da haka, kakakin ma'aikatar harkokin wajen kasar Sin Madam Hua Chunying ta bayyana a yau Litinin 10 ga wata a nan birnin Beijing cewa, Sin na maraba da shawarwarin da bangarorin biyu suke yi a wannan karo, tare kuma da yin kira da su nace ga hanyar warware rikici ta hanyar siyasa, ta yadda za a samu wata hanya da ta dace domin kau da bambancin ra'ayi da suke da shi . (Amina)