Kakakin ma'aikatar cinikayya ta kasar Sin ya gabatar da wani rahoto a karshen wannan shekara da muke ciki, inda aka yi kiyasin cewa, saurin karuwar sayyaya na kasar Sin a fannin kayayyakin yau da kullum ya karu fiye da kashi 13 bisa dari bisa ga na shekarar bara, dalilin haka ake sa ran alheri ga halin sayyaya a watan Janairu mai zuwa.

Bisa kididdigar da aka bayar an ce, a watan Nuwamba na shekarar bana, yawan kudin da aka kashe wajen sayen abubuwan yau da kullum ya kai RMB Yuan biliyan 2101, wanda ya karu da kashi 13.7 cikin dari bisa ga makamancin lokacin shekarar bara.

Dadin dadawa, an ba da labari cewa, a watan Nuwanba, yawan kudin da aka kashe a fannin gidaje da harkokin sufuri ya karu sosai. Ban da haka, Hukumar cinikayya ta ba da wani rahoto bisa ga kamfanoni 3000 da ta yi bincike kansu, yawan kudin da kamfanonin samar da na'urorin yau da kullum da kamfanonin kayayyakin amfanin gidaje suka samu ya karu da kashi 16.2 ciki dari da kashi 14.6 cikin dari. Sana'ar motoci kuwa na samun karuwa sannu a hankali.

Hukumar ta yi kiyasin cewa, kasuwar ciniki a kasar Sin za ta kara saurin karuwa nan gaba dalilin halin da ake ciki a fannin harkokin sayyaya a kasar. (Amina)