Gudanar da manufar ba da kariya ga cinikayya ba za ta yi nasara ba, in ji firaministan kasar Sin
A yammacin ranar Jumma'a 14 ga wata, yayin da yake ganawa da shugaban dandalin tattaunawa kan tattalin arzikin duniya Schwab a nan birnin Beijing, firaministan kasar Sin Li Keqiang ya bayyana cewa, gudanar da manufar ba da kariya ga cinikayya ba za ta yi nasara ba. Ba za a samu farfadowar tattalin arziki ba sai samar da yanayi cikin 'yanci da adalci a fannin cinikayya.
Firaminista Li ya ce, yanzu ana yin kwaskwarima kan tsarin tattalin arzikin duniya, a bayyane yake ana fuskantar koma baya, a sa'I daya kuma ana fuskantar manyan kalubale. Kasa da kasa suna mai da hankali sosai kan farfado da tattalin arziki, amma ba kasar da za ta gudanar da wannan aiki da kanta. Kamata ya yi kasashen duniya su karfafa hadin gwiwa tsakaninsu, tare da samun moriyar juna. Da fatan dandalin tattaunawa kan tattalin arzikin duniya zai taka rawar a zo a gani wajen sa kaimi ga samar da yanayi mai 'yanci ga cinikayya da zuba jari na duniya baki daya.(Fatima)
