Shugaban hukumar kayayyakin tarihi ta kasar Sin mista Liu Yuzhu ya bayyana a jiya Laraba cewa, ya zuwa karshen shekarar 2015, adadin dakunan adanar kayayyakin tarihi da na sauran fannoni daban daban,wadanda suka yi rajista a duk fadin kasar ya kai guda 4692, kuma ana iya kai ziyara ga wasu 4013 daga cikinsu ba tare da biyan kudi ba.

Mista Liu ya bayyana haka ne a yayin bikin taya murnar ranar ma'adanar kayayyaki ta kasa da kasa da aka yi a cibiyar nazarin kayayyakin tarihi ta jihar Mongolia ta Gida a ran 18 ga wata, kaza lika, ya ce, a kasar Sin a kan yi bukukuwan baje koli har sama da dubu 20 cikin ko wace shekara, inda aka karbi maziyarta kimanin miliyan dari 7.

Bugu da kari, ya ce, a halin yanzu, ya kamata dakunan adanar kayayyakin su kara dukufa wajen raya harkokin al'adu, da kuma dauki alhakin koyarwa matasa ilimi, ta yadda za iya kyautata zaman rayuwar al'ummomin kasar, yayin da ake ciyar da bunkasuwar tattalin arziki da zaman takewar al'umma gaba. (Maryam)