Hukuma mai kula da abinci da aikin gona ta duniya FAO ta sanar da baiwa kasar Habasha tallafin kudi na dala miliyan 50 cikin gaggawa a jiya Juma'a 15 ga wata, don taimaka mata wajen tinkarar rikicin karancin hatsi da ake fuskanta a sakamakon bala'in fari, matakin da zai amfana wajen kiyaye dabobbi da farfado da aikin gona.
FAO ta ce, saboda aukuwar yanayi na El Nino mai hana samun amfanin gona, kasar ta sha munanan hasarori ta bangaren sha'anin kiwon dabbobi, haka kuma jama'ar kasar kimanin miliyan 10.2 suna fama da matsalar karancin abinci.
Wakilin FAO dake Habasha ya ce, kasar na fuskantar hali mai tsanani a shekarar 2016, bala'in fari ba ma kawai zai iya hana a yi girbi mai armashi sau biyu a jere ba, hatta ma zai kawo illa ga sha'anin kiwon dabobbi wanda ke dogara ga ciyayi da ruwa. (Amina)
