Wani jami'in kasar Najeriya ya shedawa manema labaru a jiya Asabar 26 ga wata cewa, sojojin kasar da aka jibge a arewa maso gabashin kasar, sun maido da duk yankunan da Boko Haram ta kwace.

Shugaban hukumar kula da halin ko ta kwana ta kasar (NEMA), mista Sani Sidi ya shedawa manema labaru a jihar Kaduna dake arewa maso yammacin kasar cewa, an cimma nasara wajen yaki da Boko Haram, saboda haka, a cewarsa, dukkanin yankuna na karkashin ikon gwamnatin kasar.

Dadin dadawa, shugaban kasar Muhammadu Buhari ya bayyana a Juma'a 25 ga wata cewa, yanzu ana kokarin yin kira ga mambobin Boko Haram da su ajiye makamai, su rungumi zaman lafiya a sauran yankunan kasar. (Amina)