Babban magatakardan MDD Mr Ban Ki-Moon ta bakin kakakinsa a ran 28 ga wata, ya yi kakkausar suka ga harin da aka kai a wani masallacin dake kasar Najeriya.

Sanarwar ta bayyana cewa, Mr. Ban ya yi kira ga mahukuntan kasar Najeriya da su gurfanar da wadanda suka aikata laifi a gaban kuliya ba tare da bata lokaci ba, tare da nanata cewa, duk wani harin da aka kaiwa fararen hula babban laifi ne. Ban da haka kuma, ya jajantawa iyalan mamata da gwamnatin kasar, kuma yana fatan samun sauki ga wadanda suka ji rauni. A karshe kuma, Mr. Ban ya jaddada niyyar MDD na goyon bayan kokarin da Najeriya ta yi wajen yaki da ta'addanci. (Amina)