in Web hausa.cri.cn
ShigaZaman RayuwaAfirka a YauSin Ciki da WajeAmsoshin TambayoyiWasannin Motsa JikiChina ABC::: TSOHO :::
Kwamitin sulhu na MDD ya yi Allah wadai da hare-haren kan fararen hula a Syria
2014-11-01 17:04:50 cri
Kwamitin sulhu na MDD ya fidda wata sanarwa dake Allah wadai da karin hare-haren da ake kaiwa kan fararen hular kasar Syria. Kwamitin ya kuma nuna matukar damuwarsa dangane da yanayin tashin hankali da kasar ke ciki a halin yanzu.

Cikin sanarwar, kwamitin ya ce, akwai rahotanni dake nuna cewa an kai hare-haren boma-bomai a wani sansanin 'yan gudun hijira a lardin Iblid na kasar a ranar 29 ga watan Oktoba, hare-haren da suka haddasa mutuwa da jikkatar mutane da dama, ciki hadda da wasu yara kanana.

Dangane da hakan, kwamitin ya nuna matukar bacin ransa, yana mai jaddada matukar bukatar mutunta dokar jin kai ta kasa da kasa, musamman ma batun bambancin dake tsakanin fararen hula da sojoji a yayin da aka kai hare-hare.

Sanarwar ta bayyana fatan kwamitin game da kauracewa kaiwa fararen hula hare-hare da ma duk wasu lamura masu alaka da hakan. (Maryam)

Labarai masu Nasaba
Ra’ayoyinku
  Webradio
Saurare (GMT 11:30pm - 12:30pm)
Bayanai da Dumi-dumi
© China Radio International.CRI. All Rights Reserved.
16A Shijingshan Road, Beijing, China