A yammacin ran 18 ga wata bisa agogon Indiya ne shugaban kasar Sin Mr Xi Jinping wanda ke ziyarar aiki a kasar ta Indiya, ya yi jawabi bisa gayyatar hukumar kula da harkokin kasa da kasa ta kasar Indiya. A cikin jawabin nasa, Mr Xi ya ba da shawarar zurfafa dangantakar sada zumunci tsakanin kasashen biyu, wadda za ta amfana wajen samun bunkasuwa tare cikin hadin kai bisa manyan tsare-tsare. Kazalika, Mr Xi ya nuna cewa, Sin na fatan hadin kai da Indiya ta fuskar ba da karin gudunmawa ga ci gaban nahiyar kudancin Asiya. (Amina)
