Yau Alhamis, CMG ta kira taron manema labarai kan liyafar bikin bazara wato bikin murnar sabuwar shekara bisa kalandar gargajiyar kasar Sin ta Loong ta shekarar 2024, don bayyana shirye-shirye da za a gabatar a bikin, da kuma sabbin kirkire-kirkiren fasaha da za a yi amfani da su a bikin.

Bisa labarin da aka bayar, an hada nagartattun al’adun gargajiya da salon fasaha na zamani a cikin bikin a wannan karo.

An ce, CGTN dake karkashin CMG zai watsa wannan kasaitaccen biki ga duk fadin duniya a cikin harsuna 68, inda kuma za a yi hadin kai da kafofin yada labarai fiye da 1500 na kasashe ko yankuna sama da 200 don watsa wannan biki kai tsaye. (Amina Xu)