Jiya Litinin 1 ga watan Mayu, kwamitin tattalin arziki da zamantakewar al'umma na yankin Asiya da yankin Pacific na MDD ya fidda wani rahoto a birnin Bankok na kasar Thailand, inda ya bayyana cewa, ana ci gaba da raya tattalin arzikin kasar Sin cikin yanayin zaman karko, kwaskwarimar da aka yi a kasar ta fuskanci tsarin samar da hajoji ta ba da gudummawa matuka wajen neman ci gaban tattalin arzikin kasar cikin matsakaci da kuma dogon lokaci masu zuwa.

Haka kuma, bisa hasashen da aka yi, an ce, adadin karuwar tattalin arziki na kasashe masu tasowa a yankin Asiya da yankin Pacific gaba daya zai kai kashi 5 bisa 100 a shekarar bana, yayin da kashi 5.1 bisa 100 a shekara mai zuwa, wadanda za su fi adadin shekarar da ta wuce, watau kashi 4.9 bisa 100.

Bugu da kari, an ba da shawarar cewa, ya kamata kasashen da abin ya shafa su kyautata ayyukansu wajen gudanar da harkokin sha'anin kudi yadda ya kamata domin tabbatar da bunkasuwar tattalin arziki cikin zaman karko da kuma yadda ya kamta. (Maryam)