Ministan harkokin wajen kasar Iraq Ibrahim al-Jaafari ya bayyana a ran 6 ga wata a babban birnin kasar Turkiya, Ankara cewa, kasarsa na maraba da goyon bayan da kasashen waje suke baiwa kasar kan harkar soja, da suka hada da kayayyakin sojoji da horaswar da suka baiwa sojojin kasar, amma kasar Iraq ba ta amince da kasashen ketare da su tura sojoji zuwa kasar ba.

A yayin taron kungiyar nazarin manyan tsare-tsaren kasa da kasa na Turkiya da aka yi a wannan rana, Ibrahim al-Jaafari ya bayyana cewa, jama'ar kasar Iraq ne kawai suke da ikon yaki a kasarsu da kansu.

Haka kuma, Ibrahim al-Jaafari ya yi kira ga gamayyar kasa da kasa da su samar da karin taimakon jin kai ga 'yan gudun hijira na kasarsa wadanda a halin yanzu ke fama da hare-haren kungiyar IS, da kuma taimaka wa kasar wajen sake gina kanta. (Maryam)