Wani jami'in hukumar tsaron kasar Iraki ya bayyana cewa, kungiyar masu da'awar kafa daular musulunci ta IS ta kashe 'yan Sunni 36, ciki hadda mata da yara kanana, a birnin Heet na jihar al-Anbar dake yammacin kasar Iraki.

Jami'in ya kuma bayyana cewa, an gano wani wuri da aka binne gawawwaki 36 na 'yan kabilar Albu Nimer, a wajen birnin Heet, wadanda suka hada da yara biyu da mata 4.

Bisa labarin da hukumar tsaron kasar Iraki ta bayar, an ce, sojojin gwamnatin kasar sun cimma nasarar fatattakar dakarun kungiyar ta IS, wadanda suka kai hari ga kamfanin samar da mai na Baiji a ranar 3 ga wata, kana sojojin sun harbe dakarun 14. (Zainab)