A ranar 4 ga watan Satumba ne za a bude taron koli na biranen yawon shakatawa na kasa da kasa a Beijing babban birnin kasar Sin, babban taken taron shi ne, bunkasuwa da hadin gwiwar biranen yawon shakatawa na kasa da kasa, haka kuma ana saran wakilai daga kasashe 30 da suka hada da kasashen Amurka, Italiya, Spain za su halarci taron.

Rahotanni na cewa, cikin abubuwan da za a gudanar yayin taron za su hada da bikin budewa,taron majalisar zartaswa karo na uku, dandalin tattaunawar taron, da kuma wasu nune-nune. Haka kuma, akwai taron shawarwari kan kasuwannin yawon shakatawa a taron koli na wannan karo, inda za a gayyaci wakilan kasashen da suke karbar masu yawon shakatawa daga kasar Sin da za su hada da kasashen Jamus, Faransa, Rasha, Japan, Koriya ta Kudu da wasu kasashe sama da 20 da ake sa ran za su halarci taron shawarwarin. (Maryam)