Bisa labarin da aka samu daga kamfanin yawon shakatawar kasa da kasa na layin dogon garin Urumchi, an ce, ran 1 ga watan Yuli, an fara jigilar jirgin kasar yawon shakatawa a kewayen jihar Xinjing ta arewa, wato "kyakkyawan Xinjiang", kuma bisa shirin da kamfanin ta fidda, ko wane kwanaki biyu, wani jirgin kasar yawon shakatawa zai fara jigila daga tashar jirgin kasar Urumchi ta yamma har dukkan tsawon lokacin da aka fi samun mutane masu yawon shakatawa.

Bugu da kari, jirgin kasar zai yi kwanaki shida a hanya, inda zai kai masu yawon shakatawa zuwa garurruwan Kanas, Narat, Sayram Lake, garin shaidanun duniya na Karamay, rairayin bakin teku mai launuka iri-iri da dai sauran wuraren yawon shakatawa.

Wata mazauniyar garin Urumchi, malama Xv ta bayyana wa dan jarida cewa, ina son in yi yawon shakatawa a jihar Xinjiang cikin jirgin kasar nan sosai, sabo da tun shekaru da dama da suka wuce, ina son waka mai taken "bari mu tafi birnin Lhasa cikin jirgin kasa", a halin yanzu, gaskiya ne za a iya yin yawon shakatawa a jihar Xinjiang ta cikin jirgin kasa. (Maryam)