Asusun ba da lamuni na duniya IMF ya bayyana a ran 17 ga wata cewa, ko da yake Sin ta nuna sanyin jikin saurin bunkasuwar tattalin arziki a farkon rabin wannan shekara, amma karuwar da za ta samu a wannan shekara zai kai kashi 7.8 bisa dari, abin da ya nuna cewa, Sin tana iya tinkarar kalubale daga cikin gida ko waje muddin ta gaggauta sauya hanyar raya tattalin arziki da za ta bi nan gaba.
Asusun na IMF ya kawo karshen yin shawarwari da kasar Sin kan aya ta hudu a kwanan baya, kuma ya bayar da rahoto dagane da shawarwarin a ranar, inda ya nuna cewa, Sin ta samu ci gaba sosai wajen samun daidaito a fannin tattalin arziki, amma tana ci gaba da fuskantar matsalar rashin samu isashen daidaito a cikin gida, kuma ba ta cimma cikakkiyar nasara ba wajen samun karuwar tattalin arziki ta hanyar habaka bukatun cikin gida da na waje. Aikin da za a sa gaba yanzu shi ne gaggauta sauya hanyar raya tattalin arzki, tuni sabuwar gwamantin kasar kuwa ta fitar da wasu manufofi kan wannan batu. (Amina)
