Wadanda lamarin ya faru gaban idonsu sun bayyana cewa, garin da aka kai harin din yana da nisa kimanin kilomita 30 daga babban birnin Mogadishu, kuma dan ta'ddan ya jefa gurnati cikin kasuwar a yayin da mutane suke cikin hada hadar dabbobi, haka kuma, ma'aikatan karbar haraji biyu ne suka rasu a cikin harin.
A yanzu haka jami'an tsaron kasar Somaliya sun dukufa wajen neman maharin da ya gudu bayan tafka wannan danyen aiki.
A halin yanzu, babu wani ko wata kungiyar da ta sanar da daukar alhakin wannan harin ba.
Kwanan baya, sojojin kungiyar AU da rundunar sojojin tsaron kasar Somaliya sun karfafa matakan soja kan kungiyar Al-Shabaab a birnin Mogadishu, lamarin da ya haddasa mai da martanin na kungiyar kansu. (Maryam)
