A wannan rana, fadar shugaban Somaliya ta ba da labari a shafinta na Twitter cewa, madugun kungiyar Al-Shabaab, Ahmed Godane ya mutu a sakamakon harin jirgin saman da sojojin Amurka suka kai a ranar daya ga wata a Somaliya.
Dadin dadawa, kakakin ma'aikatar tsaron kasar Amurka John Kirby ya tabbatar da wannan batu a cikin wata sanarwar da ya gabatar a ranar Jumma'a, inda ya ce a matsayin muhimmin memba na kungiyar, mutuwarsa za ta kawo babban rauni ga kungiyar sosai.
A ranar daya ga wata ne, sojojin Amurka suka kai harin jirgin sama kan yankin dake kudu da birnin Mogadishu, hedkwatar Somaliya. Rundunar sojan Amurka ta tura jiragen saman yaki da jiragen sama marasa matuki domin kai hari kan wani sansanin Al-Shabaab. Kawo yanzu dai kungiyar Al-Shabbab ba ta tabbatar da kisan shugaban nata ba.(Fatima)
