Shugaban kasar Sin Xi Jinping ya bugawa takwaransa na kasar Amurka Barack Obama wayar tarho a ran Jumma'an nan 11 ga wata, inda ya nuna cewa, ci gaba da bunkasa dangantakar dake tsakanin Sin da Amurka yadda ya kamata ya dace da moriyar kasashen biyu bai daya.

Shugaba Xi ya ce a don haka yana fatan Amurka ta nuna niyyar hadin gwiwa da Sin don warware tare da magance wasu bambancin ra'ayi da batutuwa da suka fi jawo hankalinsu, ta yadda za a raya dangantakar dake tsakaninsu zuwa wani sabon matsayi.

Ban da wannan kuma, Mista Xi ya jaddada cewa, an kusan kamala taron sauyin yanayi na birnin Paris, don haka Sin da Amurka dukkansu na neman bangarori daban-daban dake halartar taron da su kara mu'ammala da hadin gwiwa don ba da tabbaci ga a kai ga wata yarjejeniya, matakin da zai amfanawa kasashen duniya.A nashi bangare, Mista Obama ya ce, ya yi farin ciki sosai da ganawa da Mista Xi a taron sauyin yanayi da aka yi a birnin Paris, inda bangarorin daban-daban suka tattauna tare da sulhunta tsakaninsu. Ya ce Amurka za ta ci gaba da mu'ammala da kasar Sin don hazarta a samun sakamako mai kyau a taron.(Amina)