Kasar Amurka ita ce kasa mafi samun bunkasuwar tattalin arziki tsakanin daukacin kasashen duniya tun shekarar 1872, bisa hasashen da wasu masana tattalin arzikin suka yi a baya, an ce, kasar Sin za ta sha gaban kasar Amurka, inda za ta kasance kasa mafi samun bunkasuwar tattalin arziki a shekarar 2019, amma bisa sabon rahoton da bankin duniya ya fidda a ran 29 ga wata, an ce, mai yiwuwa ne, kasar Sin za ta kasance a matsayin farko wajen samun bunkasuwar tattalin arziki cikin shekarar bana, a maimakon kasar Amurka.

Bugu da kari, yayin da yake nazari kan matsakacin matsayin kudin da ake kashewa, rahoton ya bayyana cewa, bambancin dake tsakanin kasashe ya ragu, bisa dalilan sabuwar dabarar nazari, da kuma saurin bunkasuwar kasashe masu fama da talauci, wanda ya nuna karin adalci dake ake samu tsakanin kasa da kasa a halin yanzu.

Sabon rahoton da shirin kimanta karfin kasa da kasa na ICP na bankin duniya ya samar, ya kunshi kasashe guda 199. Kuma a matsayin rahoto mafi inganci kan nazarin karfin kudaden kasa da kasa, kullum ana amfani da rahotannin da shirin ICP ya samar a asusun ba da lamuni na duniya IMF da wasu hukumomi daban daban da abin ya shafa. (Maryam)