Yau Alhamis 16 ga wata a nan birnin Beijing ne, tsohon wakilin musamman na kasar Sin mai kula da harkar yankin gabas ta tsakiya Mr Wang Shijie ya jaddada cewa, dole ne a warware rikicin kasar Sham cikin lumana ta bin hanyar siyasa, ya kamata, bangarori daban-daban da abin ya shafa su amsa tare da amincewa da kokarin da MDD da kasashen duniya suke yi wajen daidaita wannan batu ta hanyar siyasa.
Wang Shijie ya kara da cewa, kaucewa barkewar yakin basasa, warware rikicin ta hanyar yin shawarwari sun kasance matsayin da Sin ta kan dauka, ya zuwa yanzu, MDD da kasashen duniya na yin iyakacin kokari shiga tsakani a sabon zagaye, Sin kuwa na taka rawa gwargwadon karfinta, kuma tana fatan bangarorin da abin ya shafa su goyi bayan kokarin da MDD da kasashen kasa da kasa suke yi wajen warware rikicin kasar Sham cikin lumana. (Amina)
