Akalla mutane 5,300 ne ake ganin sun mutu sakamakon mamakon ruwan sama, kamar yadda ma’aikatar harkokin cikin gida ta gwamnatin gabashin Libya ta shaidawa kamfanin dillancin labaran kasar LANA a ranar Talata.

Kimanin mutane 10,000 ne aka rawaito sun bace, a cewar Tamer Ramadan, shugaban tawagar kungiyar agaji ta Red Cross da Red Crescent a Libya, yayin wani taron manema Labarai a jiya Talata. (Yahaya)