Shugaba Xi Ya Ziyarci Gundumar Gangcha Dake Lardin Qinghai
2021-06-08 22:02:23 CRI
Shugaban kasar Sin kuma babban sakataren kwamitin kolin JKS Xi Jinping, ya ziyarci gundumar Gangcha dake yankin Haibei na kabilar Tibet mai cin gashin kai, yayin da yake ci gaba da rangadi a lardin Qinghai dake arewa maso yammacin kasar Sin.
A tafkin Qinghai, shugaba Xi ya saurari matakan da ake aiwatarwa na kare muhallin halittu, da sauran sassan muhalli a tsaunukan Qilian da tafkin Qinghai. Kaza lika ya ganewa idanun sa irin ci gaban da aka samu, wajen kyautata kula da muhalli, da yadda ake kare sassan rayuwa a tafkin Qinghai.
Daga baya kuma, Xi Jinping ya ziyarci al’ummar Tibet dake kauyen Guoluozanggongma, na garin Shaliuhe, ya kuma ziyarci gidajen su domin fahimtar yanayin ayyukan su da kuma yanayin rayuwar su. (Saminu)
Labarai Masu Nasaba
- Shugaba Xi ya taya Herzog murnar lashe zaben shugabancin Isra’ila
- Shugaba Xi ya aike da sakon taya murnar bude baje kolin China-CEEC karo na biyu
- Shugaba Xi Ya Fara Rangadi A Lardin Qinghai
- Xi Jinping: Karfafawa da inganta yin mu’amala da cudanyar bayanai a tsakanin Sin da kasashen ketare don nuna ainihin Sin