Game da shawarar da kwamitin sulhu na MDD ta yanke kan shigar da batun hakkin dan Adam na Korea ta arewa cikin ajandarta, kakakin ma'aikatar harkokin waje ta kasar Sin Madam Hua Chunying ta bayyana a ranar talatan nan 23 ga wata cewa, kwamitin ba ta kasance wurin da ya dace a warware batun hakkin dan Adam ba.

A ganawarta da manema labarai a nan birnin Beijing Madam Hua tace kamata ya yi, kwamitin sulhun ta mai da hankalinta kan harkokin kiyaye zaman lafiya da na karko a duniya.

Madam Hua Chunying ta ce, yanzu halin da zirin Korea ke ciki a yamutse yake sosai, don haka kasar Sin na fatan mambobin kwamitin da bangarori daban-daban dake da nasaba da wannan batu su sa kaimi ga aikin kawar da makaman nukiliya da kuma kiyaye zaman lafiya da na karko a zirin, sannan kuma a dauki matakan da suka dace don sassauta halin da ake ciki a zirin, da hana a fitar da matakai ko zance da zai tada zaune tsaye.

Madam Hua ta nanata cewa, kullum kasar Sin ba ta yarda da mai da batun hakkin dan Adam a siyasance, ko matsin lamba kan sauran kasashe bisa batun. (Amina)