A jiya Laraba agogon kasar Mali, fadar shugaban kasar Mali ta sanar da korar firaministan gwamnatin rikon kwarya Choguel Maiga daga kan mukaminsa.

A cewar sanarwar manema labarai da fadar shugaban kasar ta fitar da aka yada a babban gidan talabijin na kasar, shugaban kasar Mali Assimi Goita ya rattaba hannun korar Maiga tare da ’yan majalisar zartaswar gwamnatinsa a wata dokar soji da aka yi.

A ranar 7 ga watan Yunin 2021 ne aka nada Maiga a matsayin firaministan gwamnatin rikon kwarya ta Mali. Sai dai zanga-zanga ta barke a Bamako, babban birnin kasar Mali da sauran biranen kasar ta neman Maiga ya yi murabusa daga kan kujerarsa. (Abdulrazaq Yahuza Jere).