A jiya Alhamis ne kasar Ruwanda ta kai taimakon kayayyakin agaji zuwa yankin Gaza, a kokarin da ake yi na saukaka halin da ake ciki na bukatun kayan masarufi, kamar yadda wata sanarwa da ofishin mai magana da yawun gwamnatin Ruwanda ya fitar ta bayyana.

A cewar sanarwar, gudunmawar, wacce kasar ta bayar domin karfafa kokarin kasashen duniya na kai kayan agaji, ta kunshi tan na abinci 19, ciki har da abincin yara, magunguna da sauran kayan kula da marasa lafiya.

“Ruwanda tana goyon bayan kawo karshen wannan rikici da kuma ba da kariya ga rayukan fararen hula,” in ji sanarwar. (Fassara: Abdulrazaq Yahuza)