A jiya Laraba ne shugaban kasar Najeriya Bola Tinubu ya yi wa majalisar ministoci garambawul, inda ya kori ministoci biyar tare da nada sabbi.

An kori ministocin ilimi, yawon bude ido, ci gaban matasa da na harkokin mata da kuma karamin ministan gidaje, kamar yadda babban mai magana da yawun shugaban kasar Bayo Onanuga, ya shaida wa manema labarai bayan kammala taron majalisar ministocin.

Tinubu ya nada sabbin ministoci, sa’annan ya sauya wa wasu jami’an ma’aikatu, wadanda majalisar dattawan Najeriya za ta tabbatar da su. (Yahaya)