Lokacin da shugaban kasar Sin Xi Jinping ke halartar taron shugabannin BRICS karo na 16 dake gudana a Kazan na kasar Rasha, babban rukunin gidan rediyo da talibijin na kasar Sin wato CMG tare da hadin gwiwar babban kamfanin talibijin da gidan rediyo na kasar Rasha wato VGTRK ya shirya bikin musanyar al’adu na murnar cika shekaru 75 da kafuwar huldar diplomasiyya tsakanin kasashen biyu, a jiya Talata a Kazan na kasar Rasha.

Mahalarta taron sun shaida yadda aka kaddamar da bikin baje kolin kayayyakin tarihi na Sin na kasa da kasa na shekarar 2024 na bangaren Rasha mai taken “Fahimtar al’adun Sin ta hanyar duba kayayyakin tarihi na Liangzhu”. Da kuma ganewa idanunsu gabatar da shirin “Fahimtar kasar Sin” da “Labarina da kasar Sin” da sauransu da CMG ta gabatar tare da hadin gwiwar hukumomin yada labarai da dama na kasar Rasha. Ofishin shugaban kasar Rasha ya mika sakon taya murnar cimma nasarar bikin da kuma bayyana kyakkyawan fata ga mahalarta bikin. (Amina Xu)