A tsawon lokacin hutu na kwanaki bakwai don murnar ranar kafuwar Jamhuriyar Jama’ar kasar Sin, aka shirya wa mazauna birnin Chengdu da masu yawon bude ido harkokin al’adu iri daban daban a dakin nune-nunen kayan tarihi na tsohon gidan Du Fu, shahararren marubucin daular Tang, kamar bikin karanta wakokin gargajiya na yara, bikin nuna kide-kiden gargajiya, nune-nunen tsoffin madubin tagulla, da dai sauransu.

Harkokin masu ban sha’awa sun jawo hankalin mutane sosai, yayin da suke jin dadin lokacin hutu, su ma sun samu karuwar ilminsu kan tarihi da adabin kasar Sin.