Dakarun sojin Isra’ila sun kaddamar da gwamman hare-hare a yankin Bekaa, inda dakarun Hezbollah ke buya a Lebanon.

Wata sanarwar da rundunar sojin Isra’ilan ta fitar ta kafar telegiram, ta ce sojojin kasar sun kaddamar da jerin sabbin hare-haren ne a Litinin, ta amfani da jiragen yaki, inda suka tarwatsa wuraren da Hezbollah ke boye makamai a Bekaa.

Kaza lika, sanarwar ta ce wuraren da aka yiwa luguden wuta na da alaka da mayakan Hezbollah masu samun mafaka a Lebanon. (Saminu Alhassan)