Jami’ai daga kasashen Sin da Iran, sun cimma matsaya daya game da karfafa kawance, da ingiza aiwatar da tsare tsaren hadin gwiwa tsakanin kasashen biyu.

Babban dan majalissar gudanarwar kasar Sin, kana darakta a ofishin lura da harkokin waje na kwamitin kolin jam’iyyar Kwaminis ta kasar Sin Wang Yi, ya gana da sakataren majalissar koli ta tsaron kasar Iran Ali Ahmadian a jiya Alhamis, a birnin St. Petersburg na Rasha, gabanin bude taron BRICS, wanda zai hallara manyan jami’ai dake jagorantar harkokin tsaro.  (Saminu Alhassan)