Dakarun sojojin kasashen Rasha da na Ukraine, sun kaiwa juna munanan hare hare ta sama a jiya Litinin, lamarin da ya haifar da katsewar ruwa da wutar lantarki a Ukraine da asarar manyan ababen more rayuwa a Rasha.

Hukumar tsaron kasar Rasha ta ba da labarin cewa, rundunar tsaron sararin saman kasar ta harba jiragen sama marasa matuka 22 zuwa yankin jihohin Saratov da Kursk da sauransu. Kaza lika, rundunar sojin sama ta Ukraine, ta ba da labari a shafin ta na sada zumunta cewa, da sanyin safiyar jiyan, sojojin Rasha sun kaddamar da hari kan birnin Kiev, da jihar Kiev, da Kharkiv da sauransu, lamarin da ya haddasa katsewar ruwa da wutar lantarki. (Amina Xu)