A jiya ranar 1 ga wannan wata, tawagar kasar Sin ta lashe lambobin yabo na zinari guda biyu a gasar wasannin Olympics ta Paris, wato ’yar wasa Yang Jiayu ta lashe daya a wasan tseren tafiya mai nisan kilomita 20 na mata, da kuma dan wasa Liu Yukun ya lashe daya a wasan harbi mai nisa mita 50 na maza. Kana ’yar wasan tennis Zheng Qinwen, da ’yar wasan Wang Xinyu da dan wasan Zhang Zhizhen sun shiga wasan karshe na tennis na mata da kuma na wasan da aka gauraya maza da mata.

A wannan rana, tawagar kasar Sin ta lashe lambobin yabo na zinari 2 da na tagulla 3, ya zuwa yanzu Sin tana matsayin farko da lashe lambobin zinari 11 da na azurfa 7 da na tagulla 6. Amurka tana kan matsayi na biyu da lambobin zinari 9, sa’annan Faransa na uku. (Zainab Zhang)