'Yan wasan kasar Sin Wang Chuqin da Sun Yingsha sun lashe lambar zinare a gasar wasan kwallon tebur mai gauraya a gasar wasannin Olympics na Paris a ranar Talata, inda suka doke Ri Jong Sik da Kim Kum Yong na Kasar Koriya ta Arewa da ci 4-2 a wasan karshe.

Wannan ne karon farko da kasar Sin ta lashe lambar zinare ta gasar kwallon tebur mai gauraya, tun bayan da aka fara ajin gasar a wasannin Olympics a Tokyo 2020, inda 'yan wasan Japan Jun Mizutani da Mima Ito suka lashe zinare a gida a wasan karshe tsakanin Japan da kasar Sin. (Yahaya)