MDD ta wallafa a shafinta na yanar gizo cewa, hadarin yunwa na barazana ga mazauna da mutane da ‘yan gudun hijira da yaki ya daidaita a yankunan da ba za su gaza 14 ba, a jihohin Greater Darfur da Greater Kordofan da Al Jazira, tare da wasu wurare masu fama da yaki a Khartoum.

Majalisar ta bayyana haka ne tana mai ruwaito sabon rahoton shirin Integrated Food Security Phase Classification, mai rajin inganta wadatar abinci da tsara manufofi, dake samun goyon bayan majalisar.

Tun tsakiyar watan Afrilun 2023, mummunan rikici tsakanin dakarun gwamnatin kasar Sudan da na RSF ya dabaibaye kasar, lamarin da ya yi sanadin rayuka sama da 16,650, kamar yadda rahoto kan yanayin Sudan da ofishin MDD mai kula da ayyukan jin kai ya bayyana a ranar 24 ga wata. (Fa’iza Mustapha)