Shugaban kasar Afrika ta Kudu Cyril Ramaphosa, kuma shugaban jam’iyyar ANC mai mulkin kasar, ya sha rantsuwar kama aiki a wa’adin mulkin kasar karo na biyu, yau Laraba yayin wani biki a Pretoria, babban birnin gudanar da harkokin mulki na kasar.

Majalisar dokokin kasar ta sake zaben Cyril Ramaphosa mai shekaru 71 ne a ranar 14 ga wata, da kuri’u 283, lamarin da ya kai shi ga samun nasara kan abokin hammayarsa Julius Malema na jam’iyyar the Economic Freedom Fighters da ya samu kuri’u 44. (Fa’iza Mustapha)